«Ժառանգություն» կուսակցության պատգամավոր Անահիտ Բախշյանը կարևորում է այն հանգամանքը, որ Հայաստանում կան գոնե մի քանի ԶԼՄ-ներ, որոնց միջոցով հնարավոր է դառնում հասարակությանը հասցնել ընդդիմության տեսակետները: Այս մասին պատգամավորն ասաց այսօր կայացած մամուլի ասուլիսի ժամանակ:
«Մեր խնդիրն ու պահանջը՝ քաղաքական ուժերի համար հատկապես հեռուստատեսությամբ հավասար պայմաններ ստեղծելն է: Քանի որ «Ժառանգությունը» սեփական հեռուստաալիք չունի, այս առումով մեզ համար դժվար է: Բացի այդ, քանի դեռ փակ է «Ա1+»-ը, կարելի է փաստել, որ անկախ մամուլի նկատմամբ իշխանությունները շատ լուրջ վախ ունեն»,- նկատեց պատգամավորը:
