Ավարտվել է Հայաստանի շախմատի տղամարդկանց 81-րդ և կանանց 81-րդ առաջնությունների 7-րդ խաղափուլը: Այս մասին հայտնել է Հայաստանի շախմատի ֆեդերացիան։
Տղամարդկանց առաջնությունում հաղթանակ է տարել միայն Արամ Հակոբյանը:
Տիգրան Հարությունյան – Կարեն Գրիգորյան, Մամիկոն Ղարիբյան – Էմին Օհանյան, Մանուէլ Պետրոսյան – Արթուր Դավթյան և Զավեն Անդրիասյան – Սարգիս Սարգսյան խաղերն ավարտվել են ոչ-ոքի արդյունքով:
Այսպիսով, 7 խաղափուլից հետո տղամարդկանց առաջնությունում առաջատարներն են Արթուր Դավթյանը, Մանուէլ Պետրոսյանը և Զավեն Անդրիասյանը, ովքեր ունեն 4.5 միավոր:
Արամ Հակոբյանը ունի 4 միավոր:
Կանանց առաջնությունում այսօր հաղթել են Անի Ավետիսյանը, Անահիտ Մկրտչյանը, Աստղիկ Հակոբյանը և Լիլիթ Կասինյանը:
Միակ ոչ-ոքին գրանցվել է Անգելինա Միրաքյան – Մարիամ Ավետիսյան խաղում:
Կանանց առաջնությունում միանձնյա առաջատարն է Աստղիկ Հակոբյանը, ով ունի 6 միավոր։ Անահիտ Մկրտչյանը ունի 5.5 միավոր։
Նախավերջին խաղափուլը կմեկնարկի վաղը՝ հունվարի 20-ին՝ ժամը 15:00-ին:
