Վենեսուելայի նախագահ Ուգո Չավեսը որոշակիացրել է նավթային մեծ պաշարներ ունեցող երկրներից բաղկացած միջազգային կազմակերպություն ստեղծելու իր գաղափարը:
Ուրբաթ օրը ելույթ ունենալով «Միրաֆլորես» նախագահական պալատում` Չավեսը հայտարարել է, որ կազմակերպության մեջ կարող է մտնել 6 երկիր` Վենեսուելան, Ռուսաստանը, Իրանը, Իրաքը, Սաուդյան Արաբիան և Բրազիլիան: Նրա կարծիքով` կազմակերպությունը կարելի է անվանել «Նավթային հսկաներ»:
Չավեսը նշել է, որ նոր կազմակերպությունը ոչ մի կերպ չի խոչընդոտի ՕՊԷԿ-ի (Նավթ արդյունահանող երկրների կազմակերպություն) աշխատանքներին: Նա ասել է, որ խոսքը միայն նավթային հսկաները միավորող կազմակերպության մասին է, որոնք աշխարհում շատ չեն` ընդամենը 5-6 երկիր:
