News Georgia-ի փոխանցմամբ՝ Ռուսաստանի նախագահ Դմիտրի Մեդվեդևը վավերացրել է Աբխազիայի ու Հարավային Օսիայի տարածքներում միացյալ ռազմաբազաների մասին համաձայնագրերը։ Այս մասին հայտարարել է Կրեմլի մամլո ծառայությունը։
Նշվում է, որ դա տեղի է ունեցել հինգշաբթի օրը Մոսկվայում Մեդվեդևի ու Աբխազիայի նախագահ Ալեքսանդր Անկվաբի միջև կայացած բանակցությունների արդյունքում։
Հիշեցնենք, որ ոչ վաղ անցյալում Ռուսաստանի Պետդուման էր հավանության արժանացրել Աբխազիայի ու Հարավային Օսիայի տարածքներում ռուսական միացյալ ռազմաբազաների ստեղծման մասին երկու համաձայնագրերը։ Այդ փաստաթղթերի համաձայն՝ ռուս զինծառայողներն Աբխազիայում ու Հարավային Օսիայում մնալու են առաջիկա 49 տարիներին։ Փաստաթղթերից յուրաքանչյուրը կարող է երկարաձգվել 15 տարով։
Ի դեպ, «Սպրավեդլիվայա Ռոսիա» խմբակցության պատգամավոր Սեմյոն Բաղդասարովը, մեկնաբանելով Պետդումայի այդ քայլը, վստահություն է հայտնել, որ մինչև 2014 թվականը ռուս-վրացական նոր պատերազմն անխուսափելի է։
