Այսօր հրապարակվելու է Խաղաղության նոբելյան մրցանակի դափնեկրի անունը: Այս պահին ամենահավանական թեկնածուների մեջ նշվում են Եվրամիությունը, համացանցի այն օգտատերերը, որոնք մասնակցել են «Արաբական գարնան» հեղափոխություններին, ինչպես նաև Լիբերիայի նախագահ Էլեն Ջոնսոն Սիրլիֆը:
Սիրլիֆին համարում են սև մայրցամաքի խորհրդանիշներից մեկը, քանի որ նա առաջին կին նախագահն է, ում հաջողվել է ընտրվել այդ պաշտոնում օրինական ընտրությունների միջոցով: Նշվում է, որ մի փոքր տարօրինակ կլինի, որ Նոբելյան մրցանակ շնորհվի համացանցի հեղափոխական արաբ օգտատերերին, քանի որ նրանց ոչ մեկ չի տեսել և որևէ հավաքական ուժ գոյություն չունի:
Եվրամիության թեկնածությունն էլ պատահական չէ, որ քննարկվում է, քանի որ 50 տարի շարունակ այդ կառույցին հաջողվում է խաղաղություն ապահովել եվրոպական մայրցամաքում: Հավակնորդների ցուցակում է նաև Al-Jazeera հեռուստաալիքը:
