Գիտնականներն ավելի շատ ապացույցներ են հավաքում այն բանի համար, որ արգելեն երեխաներին քնել ծնողների հետ միևնույն անկողնում: Այս հետազոտությունն անցկացրել են ավստրալացի գիտնականները: Համաձայն այդ հետազոտությունների՝ փոքր երեխաները, որոնք քնում են մեծահասակների հետ, ավելի են հակված վաղ մահացության և դժբախտ պատահարների, որոնք հանգեցնում են մահվան: Այս մասին հաղորդում է The Canberra Times-ը:
Մասնագետները պարզել են, որ 2008-2010 թթ. մանկահասակ երեխաների 72 մահացություններից 33-ը եղել են այն ժամանակ, երբ նրանք քնած են եղել մեծահասակների հետ բազմոցին, անկողնում կամ բազկաթոռի վրա։ Իսկ այդ 33 մահերից 28-ը բաժին է ընկնում երեխաների շրջանում հանկարծակի մահվան սինդրոմին: Ելնելով այս հետազոտության արդյունքներից` գիտնականները խորհուրդ են տվել առնվազն առաջին 4 ամիսներին երեխաներին քնեցնել առանձին անկողնում:
