Ռուսաստանի արտաքին գործերի նախարարությունը մեկնաբանել է Ադրբեջանի կողմից Ուկրաինային զենքի հնարավոր մատակարարման հարցը։
Նախարարության ներկայացուցիչ Ալեքսեյ Ֆադեևը ճեպազրույցի ժամանակ հայտարարել է, որ ադրբեջանցիները լավ են գիտակցում Ռուսաստանի դիրքորոշումը Կիևին զենք կամ երկակի նշանակության մարդասիրական օգնություն մատակարարելու հարցում։
«Նման գործողությունները չեն նպաստում խաղաղության կարգավորմանը և միայն վատթարացնում են իրավիճակը», – ասել է դիվանագետը։
Ավելի վաղ ադրբեջանական կառավարամետ աղբյուրները հայտնել էին, որ Բաքուն կվերացնի Կիևին զենք մատակարարելու արգելքը, եթե ռուսական բանակը շարունակի հարձակվել Ուկրաինայի ադրբեջանական գազային օբյեկտների վրա։ Սա վերաբերում է նաև խորհրդային շրջանի հրետանու և սարքավորումների մատակարարման վրա դրված արգելքի վերացմանը։
