Թուրքական Dünya Bülteni կայքի փոխանցմամբ՝ Թուրքիայում ահաբեկչական հռչակված ու արգելված Քրդստանի աշխատավորական կուսակցության (PKK) զինյալները շատացրել են քաղաքացիական անձանց վրա հարձակումները՝ սեռային և տարիքային խտրականություն չդնելով իրենց գործողություններում։ Կանանց և երեխաների վրա հարձակումներ գործելուց բացի, քուրդ զինյալներն աչքի են ընկնում նաև մարդկանց առևանգելով։
Վերջին 3 ամսում PKK-ն առևանգել է 30 մարդու, որոնց միայն մի մասն է բաց թողնվել։ Ոմանց էլ հաջողվել է փախչել։ Ներկայումս PKK-ի տրամադրության տակ են գտնվում 19 պատանդներ, որոնցից 12-ը ուսուցիչներ են։ Կան նաև զինծառայողներ, վարորդներ, գյուղական պահապաններ և այլք։
