Այսօր ժամը 18:45-ի սահմաններում Տավուշի մարզի Լճկաձոր գյուղի հարակից ավտոճանապարհին տեղի է ունեցել փլուզում, որի պատճառով 10-15 ավտոմեքենա մնացել են սողանքի տակ:
Ինչպես «Առաջին լրատվական»-ին հայտնեցին ԱԻՆ լրատավական ծառայությունից սողանքի տակ մնացած ավտոմեքենաները հիմնականում վրացական բեռնատարներ են: Կան բազմաթիվ վիրավորներ: Զոհերի մասին տեղեկություն չկա, սակայն փրկարարները դեռ չեն հասցրել օգնություն ցույց տալ բոլորին և սողանքի տակ մեքենաներ կան: Դեպքի վայրում են ԱԻՆ, ոստիկանության և պաշտպանության նախարարության տարբեր ստորաբաժանումներ: Ճանապարհը շարունակում է փլվել, որը փրկարարական աշխատանքների համար հավելյալ դժվարություններ է ստեղծում:
Արդեն հաղորդվում է սողանքի տակ մնացած 35 ավտոմեքենաների, 7 վրավորների և անհետ կորած 10 անձանց մասին: ԱԻՆ լրատվական ծառայությունը հրապարակել է անհետ կորածների անունները.
1. Արմեն Սորսումատյան (1973 թ. ծնված, Երևանի բնակիչ),
2. Մեխակ Սորսումատյան (1964 թ. ծնված, Երևանի բնակիչ),
3. Նորիկ Միրզոյան (1939 թ. ծնված, Լճկաձոր գյուղի բնակիչ),
4. Արթուր Գուրգենի Հակոբյան (1992 թ. ծնված, Վրաստանի քաղաքացի),
5. Գուրգեն Մովսեսի Հակոբյան (1949 թ. ծնված, Վրաստանի քաղաքացի),
6. Գենա Սուրմանիձե (1961 թ. ծնված, Վրաստանի քաղաքացի),
7. Նուքրի Սուրմանիձե (1981 թ. ծնված, Վրաստանի քաղաքացի),
8. Ալեքսանդր Բաղդասարով (1984 թ. ծնված),
9. Արտակ (1970 թ. ծնված, Գյումրի քաղաքի բնակիչ, ազգանունը ճշտվում է),
10.Տիգրան Մեջինյան (1986 թ. ծնված, ՀՀ քաղաքացի):
Որոնողական աշխատանքները շարունակվում են:
Լուսանկարը` Hetq.am-ի
