Չորս մարդ զոհվել և երկու մարդ վիրավորվել է Քուվեյթի Ահմադի քաղաքի խոշորագույն նավթավերամշակման գործարանի գազատար խողովակի պայթյունի հետևանքով:
Այս մասին գրում է BBC-ն:
Ըստ Քուվեյթի նավթային արտադրության աղբյուրի տվյալների` չորս մահացածներն Ասիայից եկած բանվորներ են, իսկ երկու վիրավորները հրշեջներ են:
Ինչպես հաղորդում է Քուվեյթի ազգային նավթային ընկերության ներկայացուցիչ Մուհամեդ Աջմին, պայթյունները տեղի են ունեցել այն ժամանակ, երբ գազի բլոկում կատարվել են կանոնակարգվող աշխատանքներ: Պատճառները ճշտվում են, բայց, ըստ նախկնական վարկածի, պայթյունի պատճառը գազի արտահոսքն է եղել:
France-press գործակալության հաղորդմամբ՝ Ահմադիում նավթավերամշակման գործարանը կարող է օրական մշակել ավելի քան 460 հազար բարել նավթ:
