Եգիպտոսի քաղաքական ուժերը և շարժումները, որոնք միավորված են «Մուսուլման եղբայրներ» կազմակերպության ղեկավարած Դեմոկրատական կոալիցիայում, սպառնում են բոյկոտել առաջիկա խորհրդարանական ընտրությունները, եթե ընտրությունների մասին օրենքում փոփոխություններ չմտցվեն: Հիմնական բողոքը այն է, որ ըստ նոր օրենքի` քաղաքական ուժերի ներկայացուցիչներն իրավունք չունեն առաջադրվելու մեծամասնական ընտրակարգով:
Ըստ այդ օրենքի՝ մեծամասնականով կարող են առաջադրվել միայն անկախ թեկնածուներ: Համաձայն զինվորական իշխանության կողմից ընդունված օրենքի՝ խորհրդարնի 2/3-ն ընտրվում է համամասնականով, 1/3-ը` մեծամասնականով: Դեմոկրատական կոլաիցիայի ներկայացուցիչներն ասում են, որ այս դեպքում շատ մեծ է հնարավորությունը, որ գահընկեց արված Հոսնի Մուբարաքի կողմնակիցները կարող են հայտնվել խորհրդարնում:
Հիշեցնենք, որ Եգիպտոսի խորհրդարանական ընտրությունները կայանալու են նոյեմբերի 28-ին: Դրանից հետո կնշանակվեն նախագահական ընտրություններ:
