Անդրադառնալով Ռոբերտ Քոչարյանի ակտիվ քաղաքականություն հնարավոր վերադարձին՝ ՀՀԿ խմբակցության անդամ, ԱԺ պատգամավոր Գագիկ Մելիքյանն այսօր տեղի ունեցած ասուլիսում ասաց.
«Հանրապետական կուսակցությունը իշխանամետ չէ և ոչ էլ նախագահամետ, ՀՀԿ-ն իշխանական և նախագահական կուսակցություն է, ունի իր նախագահը և նախագահի իր թեկնածուն, և առաջիկա նախագահական ընտրություններին պատրաստվում է գնալ իր թեկնածուով, ով Սերժ Սարգսյանն է: Ես բոլորի մասնակցությունը ՀՀ նախագահական ընտրություններին համարում եմ հնարավոր»:
Լրագրողների այն հարցին, թե հնարավոր համարո՞ւմ է որոշ վերլուծաբանների այն պնդումները, ըստ որոնց հավանական է Սերժ Սարգսյանի և Լևոն Տեր-Պետրոսյանի միավորումը և պայքարը Ռոբերտ Քոչարյանի դեմ, պատգամավորը պատասխանել է.
«Կարծում եմ, որ որևէ մեկի դեմ պայքար չի կարող լինել, կարող է լինել մրցակցություն բոլոր այն թեկնածուների միջև, ովքեր կդնեն իրենց թեկնածությունը առաջիկա նախագահական ընտրություններում»:
