Թուրքական Doğan լրատվական գործակալության փոխանցմամբ՝ Թուրքիայում ահաբեկչական հռչակված և արգելված Քրդստանի աշխատավորական կուսակցության (PKK) 34 համակիրներ Գերմանիայում գրավել են գերմանական RTL հեռուստաընկերության շենքը՝ 6 ժամ շարունակ իրենց վերահսկողության տակ առնելով այն։
PKK-ի համակիրները պարզել են նրան գովերգող պաստառներ։ Բացի այդ, նրանք ցանկացել են եթեր հեռարձակել PKK-ի հիմնադիր, քուրդ առաջնորդ Աբդուլլահ Օջալանի մասին պատմող հաղորդաշար։
Սակայն դեպքի վայր ժամանած ոստիկանության աշխատակիցներին հաջողվել է ձերբակալել նրանց։ Գերմանիայի ԱԳՆ-ն անընդունելի է որակել նրանց արարքը։
Հիշեցնենք, որ Օջալանը 1999 թվականից ցմահ ազատազրկում է կրում Մարմարա ծովի Իմրալը կղզում և ներկայումս բավական ակտիվացել են նրան բանտից ազատելու և տնային կալանք տալու մասին լուրերը։
