Երևանի քաղաքապետ Տիգրան Ավինյանը գտնվում է Ավան վարչական շրջանում, որտեղ ևս իրականացվում են ձնամաքրման աշխատանքներ։
Քաղաքապետի խոսքով՝ ձնամաքրման աշխատանքներ կատարելիս հիմնական խնդիրն առաջանում է, երբ Երևանի քաղաքապետարանի տեխնիկան հաճախ խցանումների պատճառով չի կարողանում մոտենալ նախատեսված վայրեր։
Տիգրան Ավինյանը տեղեկացրել է, որ վաղը մանկապարտեզներն աշխատելու են, որպեսզի ծնողները կարողանան գնալ աշխատանքի։
«Բոլոր այն գործատուները, ովքեր հնարավորություն ունեն վաղն աշխատանքը կազմակերպել հեռավար կերպով, խնդրում ենք այդպես էլ անել։ Վաղն սպասվում է ամենաառատ ձյան տեղումներով օր։ Երևանի քաղաքապետարանի ամբողջ աշխատակազմը շարունակելու է աշխատել 24-ժամյա ռեժիմով»,- նշել է քաղաքապետը։
