Google+ սոցիալական ցանցի այցելությունների թիվն ավելացել է 1,269 %-ով այ բանից հետո, երբ վերացվել է սոցցանցում գրանցվելու սահմանափակումը: Այս մասին ասվում է Experian Hitwise հետազոտության մեջ: Սեպտեմբերի 17-ին Google+ը վերացրել էր գրանցման որևէ սահմանափակում: Experian Hitwise-ի կողմից կազմված ամենահայտնի սոցիալական ցանցերի ցուցակում Google+ը 54-րդ հորիզոնականից բարձրացավ 8-րդ հորիզոնական` այցելությունների քանակով մոտենալով 2003 թ. գործարկված MySpace սոցիալական ցանցին:
Մեկ շաբաթվա ընթացքում այցելությունների թիվը հասավ 15 միլիոնի: Այս ցուցանիշներում հաշվի չեն առնվել բջջային սարքերից կատարված մուտքերը: Այս պահին, ըստ ոչ պաշտոնական տվյալների, 2011 թ. ամռանը գործարկված սոցիալական ցանցում գրանցված է 50 միլիոն օգտատեր:
