Քաղաքական գործընթացները ցանկացած երկրում ամենաինտիմ, բարդ ու թափանցիկ գործընթացներն են: Եթե այդ հասարակության մասը չես, ապա շատ դժվար է հասկանալ, թե ինչ է կատարվում հայկական հին հասարակությունում: Այսօր «Անկախության 20 տարիները Հայաստանում ու տարածաշրջանում» հանդիպմանն այսպիսի կարծիք արտահայտեց Հայաստանում ԱՄՆ նախկին դեսպան Ջոն Էվանսը` ի պատասխան այն հարցի, թե ինչպես կբնութագրեր Հայաստանը երեք վարչակարգերի օրոք:
«Իհարկե, երկրում շատ գործընթացներ այնպես չեն ընթացել, ինչպես անհրաժեշտ էր, սակայն ես ձեռնպահ կմնամ որևէ կարծիք արտահայտելուց»,- հավելեց նա:
Հայաստանում Գերմանիայի դեսպան Հանս Յոխեն Շմիդտը, խոսելով ՀԱԿ-իշխանություն երկխոսության մասին, դրական գնահատեց փաստը, քանի որ դրա արդյունքում հնարավոր դարձավ, որ մարդիկ կարողանան հանրահավաքներ անցկացնել Ազատության հրապարակում: «Պետք է մարդկանց հնարավորություն տալ հավաքվել Օպերայի բակում: Դա քաղաքական մշակույթի հարց է»,- նկատեց նա` ընդգծելով, թե 2008թ. մարտի 1-ը հետքայլ էր, որն ազդեց Հայաստանի իմիջի վրա:
