Իսրայելի պաշտպանության նախարար Յոավ Գալանտի պաշտոնանկությունից հետո Թել Ավիվում ցույցեր են սկսվել, հայտնում են տեղի լրատվամիջոցները։
Ցուցարարները փակել են Թել Ավիվի կենտրոնական մայրուղին, ճանապարհի վրա կրակ են վառել և կաթվածահար են արել երթևեկությունը։
Իսրայելի խորհրդարանական ընդդիմության առաջնորդ Յաիր Լապիդը քաղաքացիներին կոչ է արել դուրս գալ փողոց՝ «պատերազմի պայմաններում Պաշտպանության նախարարին աշխատանքից ազատելու Նեթանյահուի որոշման պատճառով»։
Հիշեցնենք, որ Գալանտի փոխարեն Պաշտպանության նախարարության ղեկավարի պաշտոնում է նշանակվել արտգործնախարար Իսրայել Կացը։
