Գերմանական Էրֆուրտ քաղաքում Հռոմի Պապ Բենեդիկտ XVI-ի թիկնապահների վրա կրակ բացած անձը ձերբակալվել է: Ինչպես հայտնում է BBC-ն, դեպքը տեղի է ունեցել ընդամենը 1 կիլոմետր հեռավորության վրա այն վայրից, որտեղ Հռոմի Պապը պետք է հանդիպում ունենար ավելի քան 30 հազար կաթոլիկների հետ:
Ձերբակալված տղամարդը հրացանից 4 անգամ կրակ է բացել Պապի թիկնապահների ուղղությամբ, տուժածներ չկան, Պապին միջադեպի մասին չեն տեղեկացրել:
Վատիկանի ոստիկանությունն ու մամլո ծառայությունը հայտնում են, որ դեպքը որևէ կապ չունի Հռոմի Պապի հետ: Ըստ քննիչների՝ հանցագործը տառապում է հոգեկան խանգարումով: