Իտալիայում դատարանն աննախադեպ հայց է ստացել ծեր ամուսիններից, ովքեր պահանջում են իրենց 41-ամյա որդուն վտարել իրենց բնակարանից:
Ինչպես հայտնում է Rai News 24-ը, ծնողները վաղուց էին ցանկանում միջոցներ ձեռնարկել իրենց որդուն տնից վտարելու համար, սակայն այս քայլին են դիմել այն բանից հետո, երբ իմացել են, որ Վենետիկի «Սպառողների իրավունքների պաշտպանության ասոցիացիան» համանման մի խնդիր նախկինում լուծել է:
Բողոքի մեջ ծնողները, ում անունները չեն հրապարակվում, հայտնում են, որ իրենց որդին ունի լավ աշխատանք, սակայն չի ցանկանում առանձին ապրել, քանի որ սովոր է ծնողների հետ ապրել, ովքեր միշտ խնամել են նրան: Հայրը նշել է, որ իր որդու հետ անտանելի է ապրելը, նա թույլ չի տալիս ծնողներին շունչ քաշել:
Իտալիայում ծնողների հետ երկար ապրելը տարածված երևույթ է: 2010 թ. անցկացված սոցիոլոգիական հարցման ժամանակ պարզվել է, որ 18-39 տարեկան իտալացի տղամարդկանց 48%-ը նախընտրում է ծնողների հետ ապրել:
