«Երևանը լույսերի մեջ. այս օրերին պատեհ ու անպատեհ հայտարարում են պաշտոնյա այրերը: Բայց Խանջյան փողոցում, Վերնիսաժից դեպի Վարդան Մամիկոնյանի արձան տանող գետնանցումում լուսավորություն չկա»,- գրում է «Հրապարակ»-ը և մեջբերում.
«Ստիպված եմ անցնել փողոցի մեջտեղով՝ խախտելով կանոնները, հնարավոր Է և մեքենայի տակ ընկնեմ: Էսքան լույսերից են խոսում, մի երկու լամպ չունե՞ն՝ գցեն էդ անցումում»,- կեսգիշերին մոտ վրդովված ասում էր գետնանցումում խարխափող մի տիկին»: