Грузия Online-ի փոխանցմամբ՝ Վրաստանի արտգործնախարար Գրիգոլ Վաշաձեն հանդիպել է իր թուրք գործընկեր Ահմեդ Դավութօղլուի հետ։
Հանդիպումը տեղի է ունեցել Նյու Յորքում ընթացող ՄԱԿ-ի Գլխավոր ասամբլեայի նիստի շրջանակներում։
Վրաստանի ԱԳՆ-ի տվյալներով՝ հանդիպման ժամանակ կողմերը քննարկել են երկկողմանի հարաբերություններին առնչվող հարցերի լայն շրջանակ, ինչպես նաև բարձր մակարդակի հանդիպումների կազմակերպմանն առնչվող խնդիրներ։
Կողմերը քննարկել են նաև ՄԱԿ-ի շրջանակներում Վրաստանի և Թուրքիայի միջև համագործակցության հարցը։
Հիշեցնենք, որ Վաշաձեն և Դավութօղլուն հանդիպել են նաև այս տարվա փետրվարի կեսերին Թբիլիսիում։