Կոպենհագենում կազմակերպված ցուցահանդեսի ժամանակ գողացել են «Տիտանիկ» լեգենդար նավում հայտնաբերված ոսկեզօծ մի մանյակ. հայտնում է Associated Press-ը: Ցուցահանդեսը, որը նվիրված էր «Տիտանիկի» զոհերի հիշատակին, կազմակերպվել էր Դանիայի մայրաքաղաքի զբոսայգիներից մեկում:
Այգու տնօրինությունը հայտնել է, որ գողերը բարձրացրել են ցուցափեղկը և գողացել ոսկեզօծ մանյակը: Գողություն կատարած անձանց մասին որևէ տեղեկություն հայտնելու դեպքում սահմանվել է 1000 եվրո պարգևատրություն: Ինչպես նշում է lenta.ru-ն, մանյակն ապահովագրված էր 14 հազար եվրոյով:
Հիշեցնենք, որ «Տիտանիկը» վթարի էր ենթարկվել 1912 թ. ապրիլին: Նավի վրա գտնվող 2224 ուղևորներից փրկվել էին միայն 711-ը: