Դալիթայի «Welcome to Armenia»-ն այս տարի կներկայացնի Հայաստանը «Մանկական Եվրատեսիլ-2011» երաժշտական մրցույթում: Երգը հաղթող ճանաչվեց ժյուրիի քվեարկության և հանդիսատեսի sms հաղորդագրությունների արդյունքում:
Մրցույթին մասնակցում էր 16 մասնակից՝ «Ռազմիկ և ընկերներ» խումբը «Սիրում եմ քեզ» երգով, Միլենա Վարդանյանը «Ստոպ» երգով, Մարիա Ենոքյանը՝ «Նոր երգ», Պետրոս Ղազարյանը՝ «Իմ երազանք», «Նինելա Մխիթարյանը՝ «Նոտաների աշխարհում», Տաթև Ենգիբարյանը՝ «Հայերեն», «Դո ռե մի» խումբը՝ «Dance with me», Նադեժդա Սարգսյանը՝ «Tik Tak», «Ալլեգրո» խումբը՝ «Բնության հրաշքներ», Մերի Արզումանյանը՝ «Պարի ռիթմեր», Մոնիկա Նավասարդյանը՝ «Սլացիկ քամի», Դալիթան՝ «Welcome to Armenia», Անահիտ Հակոբյանը՝ «Բալետ», Սոնա Գյուլխանյանը՝ «Թող որ երգն իմ այս…», Միլլին՝ «Milli-on», Վահագն Գրիգորյանը՝ «Մեր բակը» երգերով։
Հիշեցնենք, որ այս տարի «Մանկական Եվրատեսիլ-2011» մրցույթն անցկացվելու է Երևանում` 2011թ-ի դեկտեմբերի 3-ին, քանի որ «Մանկական Եվրատեսիլ 2010»-ում հաղթել էր Վլադիմիր Արզումանյանը` «Մամա» երգով։
