Իսրայելի հարձակումների հետևանքով Գազայի կենտրոնական հատվածում զոհվել է 40, վիրավորվել՝ ավելի քան 100 մարդ։
Միաժամանակ հաղորդվում է, որ իսրայելական ռազմական ինքնաթիռը ռմբակոծել է Հորդանան գետի արևմտյան ափին գտնվող Ջենին փախստականների ճամբարը։
Պաղեստինյան լրատվամիջոցների փոխանցմամբ՝ ռմբակոծության հետևանքով զոհվել է 2 մարդ, վիրավորվել՝ 15-ը։
Իսրայելական ռազմական ինքնաթիռները ռմբակոծել են նաև Գազայի հատվածի հարավում գտնվող Ռաֆահ քաղաքը, ինչի հետևանքով առնվազն վեց մարդ է զոհվել:
Գազայի հատվածի առողջապահական ծառայության տվյալներով՝ արաբական անկլավում վերջին մեկ օրվա ընթացքում մահացել է 100, վիրավորվել՝ 132 մարդ։
ԱՄՆ պաշտպանության նախարար Լլոյդ Օսթինը իսրայելցի իր գործընկեր Յոավ Գալանտին ասել է, որ չգործի առանց Ռաֆահի խաղաղ բնակիչներին պաշտպանելու ծրագրի:
