Վերջին օրերին խոսվում է, որ ԿԸՀ նախագահ Գարեգին Ազարյանին կփոխարինի Տիգրան Մուկուչյանը: Այսօր ԿԸՀ նախկին անդամ Զոյա Թադևոսյանից փորձեցինք պարզել, թե ով կարող է փոխարինել Գարեգի Ազարյանին: Եվ, եթե դա լինի Տիգրան Մուկուչյանը, կկարողանա՞ պաշտոնավարել:
Ի պատասխան Զ. Թադևոսյանն ասաց, թե ով էլ ասես՝ կարող է լինել, նայած, թե ում կնշանակեն, և ով ավելի հարմար կծառայի իրենց: «Ավելի հավանական թեկնածուն նա կլինի, ով կընդունի խաղի նախկին բոլոր կանոնները: Իսկ խաղի նախկին բոլոր կանոնները ենթադրում են այն , ինչը մենք անվանում ենք համակարգային ընտրակեղծիք:
Եթե կլինի այդպիսի մեկը, ով կընդունի այդ խաղի կանոննեը, նա էլ կլինի ԿԸՀ նախագահը: Եթե Տիգան Մուկուչյանը կհամաձայնի այդ խաղի կանոնների հետ, նա էլ կլինի»,- ավելացրեց տիկին Թադևոսյանը:
