«Արմավիա» ավիաընկերությունը նախատեսում է անդրատլանտյան թռիչքների համար օդանավ ձեռք բերել, ինչպես նաև ինքնաթիռներ կգնվեն միջին և հեռավոր տարածությունների համար: Ներկայում ընկերությունը շահագործում է 11 ինքնաթիռներ՝ Airbus А319 (3 հատ), Airbus А320 (3 հատ), Сухой Суперджет (1 հատ), CRJ (3 հատ) և 1 հատ ЯК 42 (VIP):
«Արմավիա» ավիաընկերությունից «Առաջին լրատվականին» հավաստեցին, որ բոլոր օդանավերը համապատասխանում են թռիչքների անվտանգության միջազգային չափանիշներին: «Արմավիա»-ն յուրաքանչյուր 2 տարին մեկ անգամ թռիչքների անվտանգության (IOSA) աուդիտ է անցկացնում և ամեն անգամ միջազգային չափանիշներին համապատասխանության հավաստագիր է ստանում:
««Արմավիա»-ն վաղուց օդանավային պարկի նորացման ու բարելավման ուղղություն է վերցրել: Միակ հին ինքնաթիռը ЯК-42-ն է, որն էլ VIP է՝ հատուկ պատվերով վերափոխված, որը նույնպես համապատասխանում է միջազգային բոլոր պահանջներին»,- նշել են ընկերությունից:
