Ֆրանսիացիների մոտ 87%-ն աշխատավայրում զբաղվում է անձնական գործերով, որոնցից է` անձնական փոստի ստուգումը, մասնավոր հեռախոսազանգեր, գնումներ համացանցում, սոցիալական ցանցերի գրագրություն և այլն: Այս մասին հաղորդում է Le Figaro-ն:
Թերթը հղում է մի հետազոտության, որը կատարվել է 17 հազար հիմնարկություններում: Անձնական նամակագրությամբ զբաղված են փոքր ընկերությունների աշխատակիցների մոտ 90%-ը, միջին ընկերություններում` 87%-ը, խոշորներում` 73%-ը: Աշխատակիցներից շատերը մշտապես բաց են պահում Facebook սոցիալական ցանցի իրենց էջը` ընկերների հաղորդագրություններին պատասխանելու համար:
Նշվում է, որ հնարավոր չէ պարզել, թե ինչ վնասներ է հասցնում այս սովորությունն ընկերություններին: Դա պարզելու ընդունված մեթոդներից է աշխատանքային ժամերին անձնական հեռախոսներից կատարված զանգերի թվի ստուգումը, ինչը ընդունված պրակտիկա է: