Ինչպես ամեն հինգշաբթի, այսօր ևս «Սևազգեստ բանակ» ակցիայի մասնակիցները, բանակում խաղաղ պայմաններում սպանված զինծառայողների ծնողներին միանալով, բողոքի ակցիա են կազմակերպել կառավարության շենքի առջև` պահանջելով վերացնել բանակում օրեցօր շատացող սպանություններն ու անօրինությունները: Սևազգեստ մայրերի բողքը լսեց կառավարության շենք բարձրացող ՄԻՊ Կարեն Անդրեասյանը` խոստանալով ընդունելություն կազմակերպել սևազգեստ մայրերի հետ` իր գրասենյակում: Ի պատասխան մայրերի հորդորների` Կարեն Անդրեասյանը խոստացավ հանդիպում կազմակերպել նաև բոլոր պատկան մարմինների հետ` մոտակա օրերին:
Կառվարության շենքի առջև իրենց բողոքն են արտահայտում նաև այն կրպակատերերը, որոնց կրպակները պետք է ապամոնտաժվեն հաջորդ շաբաթ: ՄԻՊ կարեն Անդրեասյանը կրպակատերերի հետ զրույցում խոստացավ նրանց յուրաքանչյուրի դիմումն առանձին ուսումնասիրել:
