Բելգիայում կրկին սրվել քաղաքական իրավիճակը: Այդ երկրի թագավոր Ալբերտ 2-րդը չորեքշաբթի օրը վերադարձել է հանգստից, որ անցկացնում էր Ֆրանսիայի հարավում, քանի որ կոալիցիա ստեղծելու՝ քաղաքական կուսակցությունների միջև ընթացող բանակցությունները հայտնվել են տապալման եզրին: Այս մասին հայտնում է «Ազատություն» ռադիոկայանը:
Ֆրանսախոսների առաջնորդ, սոցիալիստ Էլիո դի Ռուպոն ասել է, որ իր ջանքերը հաջողությամբ չեն պսակվել: Քաղաքական ճգնաժամը կրկին սրվել է այն բանից հետո, երբ կառավարության ղեկավարի ժամանակավոր պաշտոնակատար Իվ Լեթերմը հայտարարել է, որ աշխատանքի է տեղափոխվում տնտեսական համագործակցության և զարգացման կազմակերպություն:
Այս գիշեր, այդուհանդերձ, 8 կուսակցություններ համաձայնել են առաջին քայլն անել կոալիցիա ձևավորելու հարցում և շարունակել բանակցությունները:
Հիշեցնենք նաև, որ Բելգիան արդեն 15 ամիս է՝ ապրում է առանց հաստատված կառավարության, քանի որ տարբեր էթնիկական խմբեր ներկայացնող Բելգիայի հիմնական երկու կուսակցությունները համաձայնության չեն գալիս կառավարության ձևավորման շուրջ` երկիրը կանգնեցնելով վերահաս փլուզման եզրին:
