Հայաստանում հնագետները գտել են կնոջ ծղոտե զգեստի մնացորդներ, որոնք պատրաստվել են ավելի քան 5900 տարի առաջ:
Նմուշները հայտնաբերվել են Հայաստանի հարավային շրջաններում: Այս տարածքի մոտակայքում հայտնաբերվել էին նաև 5.500 տարի առաջ կարված` աշխարհի ամենահին կոշիկը և 6.100 տարվա վաղեմության` աշխարհում առաջին գինու հետքերը:
Գտածոները հայտնաբերվել են Կալիֆոռնիայի համալսարանի մասնագետների իրականացրած պեղումների ընթացքում:
Այս մասին AFP-ին տված հարցազրույցում հայտնել է ՀՀ ԳԱԱ Հնագիտության և ազգագրության ինստիտուտի տնօրեն Պավել Ավետիսյանը:
