Աստանայում ընթացող գագաթնաժողովի շրջանակներում այսօր Վրաստանի նախագահ Միխեիլ Սաակաշվիլին հանդիպել է ԱՄՆ պետքարտուղար Հիլարի Քլինթոնի հետ, հայտնում է Грузия Online-ը:
ԱՄՆ պետքարտուղարը կրկին հստակ աջակցություն է հայտնել Վրաստանին` որպես ռազմավարական գործընկերոջը և ցանկություն է հայտնել Վրաստանի հետ հետագա համագործակցության խորացման ուղղությամբ: Հ.Քլինթոնը հատուկ ուշադրություն է արժանացրել Վրաստանի հակամարտության հարցում ԵԱՀԿ-ի դերին և անհրաժեշտ է համարել միջազգային դիտորդների առկայությանը Վրաստանի ողջ տարածքում: Հ.Քլինթոնը կոչ է արել ԵԱՀԿ անդամ երկրներին ջանքեր գործադրել առկա հակամարտությունների կարգավորման ուղղությամբ:
Իր ելույթում, ինչպես տեղեկացրել էինք ավելի վաղ, ԱՄՆ պետքարտուղարը շնորհակալություն էր հայտնել Վրաստանի նախագահին Եվրախորհրդարանում իր նոր նախաձեռնության համար: