Իրանական Siasatname լրատվական կայքի հաղորդմամբ՝ Իրանի պետական հեռուստաընկերությունը մտադիր է իսպաներենով մի կինոհեռուստաալիք ստեղծել: Այդ նպատակով Իրանի հեռուստաընկերությունը Մադրիդ քաղաքում գրասենյակային տարածք է գնել:
Siasatname կայքի փոխանցմամբ՝ հիշյալ հեռուստաալիքը, որը նպատակ ունի մրցակցել իսպանական կինոալիքների հետ, իր աշխատանքները սկսելու է նախնական 200 միլիոն դոլարի ներդրմամբ:
Կայքի մատուցմամբ, վերջին շրջանում իսպանական բազմաթիվ ֆիլմեր պարսկերեն արբանյակային ալիքներով հեռարձակվում են պարսկախոս հասարակության համար, այդ իսկ պատճառով էլ Իրանի պետական հեռուստաընկերությունը մտադիր է պայքարել այդ ֆիլմերի դեմ:
