Ադրբեջանի և Թուրքիայի մի շարք նահանգների զինված ուժերում հատուկ նշանակության ջոկատայինները «Մուսթաֆա Քեմալ Աթաթուրք-2023» համատեղ մարտավարական զորավարժությունների նախօրեին հատուկ առաջադրանքներ են կատարել, հայտնում են ադրբեջանական լրատվամիջոցները։
Պլանի համաձայն՝ հատուկջոկատայինները «ներթափանցել են օպերատիվ տարածքի խորքը և հաջողությամբ ավարտել բնակեցված վայրերում տեղակայված կեղծ հակառակորդի դիվերսիոն խմբի ժամանակավոր ապաստարանների հայտնաբերման, շրջափակման և վնասազերծման խնդիրները»։
Նշենք, որ հոկտեմբերի 23-25-ը Թուրքիայի Հանրապետության հիմնադրման 100-ամյակին նվիրված մարտավարական համատեղ զորավարժություններ կանցկացվեն մի շարք ուղղություններով, այդ թվում՝ Բաքու քաղաքում, Նախիջևանի Ինքնավար Հանրապետության և ԼՂ տարածքներում։