Պատերազմի 11-րդ օրն է․ առաջիկայում թերևս կլինի ցամաքային գործողություն Գազայի հատվածում։ «Առաջին լրատվական»-ի հետ զրույցում նշեց ռուս քաղաքագետ, ԱՊՀ հարցերով փորձագետ Արկադի Դուբնովը։
Քաղաքագետի խոսքով՝ ՀԱՄԱՍ-ի հարձակումը լավ նախապատրաստված էր, այլ ոչ թե ինքնաբուխ․ նպատակն էր ցույց տալ, որ իսրայելցիները խոցելի են. ««Հըզբոլլահ»-ը շատ մոտ է գտնվում պատերազմի մասնակից դառնալուն․ ամեն ինչ մազից է կախված։ Ամերիկացիները հասկացնել են տալիս՝ Իրանի դեմ գործողություններ կձեռնարկեն, եթե վերջինս ռեալ կազուս-բելլի ստեղծի։ Ոչ մեկ չի պատրաստվում լրջորեն ներքաշվել պատերազմի մեջ․ բոլորն էլ գիտակցում են՝ իսրայելա-ամերիկյան դաշինքը սպանիչ է։ Արաբական երկրները երազում են, որ ՀԱՄԱՍ-ը ոչնչացվի․ վերջինս ոսկոր է նրանց կոկորդում»։
