Ղազախստանը կհետևի Ռուսաստանի դեմ սահմանված պատժամիջոցների ռեժիմին, և Բեռլինն այս հարցում որևէ մտահոգություն չպետք է ունենա։ Այս մասին Գերմանիայի կանցլեր Օլաֆ Շոլցի հետ բանակցություններից հետո կայացած մամուլի ասուլիսում հայտարարել է Ղազախստանի նախագահ Կասիմ-Ժոմարտ Տոկաևը, փոխանցում է ՏԱՍՍ-ը։։
«Պատժամիջոցների հնարավոր շրջանցման հետ կապված՝ Ղազախստանը հստակ հայտարարել է, որ հետևելու է պատժամիջոցների ռեժիմին, մենք շփումներ ունենք համապատասխան կազմակերպությունների հետ՝ պատժամիջոցների ռեժիմը պահպանելու համար», – ասել է Տոկաևը։
«Ինձ թվում է, որ գերմանական կողմը չպետք է մտահոգվի պատժամիջոցների ռեժիմը շրջանցելու հնարավոր գործողությունների առնչությամբ», – հավելել է նա։
Շոլցն իր հերթին գոհունակություն է հայտնել, որ Ղազախստանի կառավարությունն աջակցում է Արևմուտքին պատժամիջոցների շրջանցումը կանխելու ջանքերում։
Տոկաևը պաշտոնական այցով գտնվում է Գերմանիայում։ Շոլցի հետ հանդիպումից հետո Ղազախստանի ղեկավարը նախատեսում է մասնակցել Կենտրոնական Ասիայի և Գերմանիայի պետությունների ղեկավարների հանդիպմանը։
