Այս ամենին հանգեցրեց Հոկտեմբերի 27-ի ոճրագործությունն ու հեղաշրջումը։ «Առաջին լրատվական»-ի հետ զրույցում նման տեսակետ հայտնեց «Հանրապետություն» կուսակցության փոխնախագահ Արտակ Զեյնալյանը։
Զեյնալյանի խոսքով՝ Հայաստանն այլ ընթացք կունենար, եթե չլիներ Հոկտեմբերի 27-ի ոճրագործությունը. «Այս ամենը տեղի չէր ունենա, եթե 2004-ին բանակի զինումը չդադարեցվեր ու ընտրությունները չկեղծվեին։ Այս ամենը տեղի չէր ունենա, եթե ողջ ռեսուրսները դրված չլիներ մի զամբյուղում։ Այս ամենը տեղի չէր ունենա, եթե Արցախում տեղի չունենար այս վերջին հեղաշրջումը։ Սխալներ շատ ենք թույլ տվել, պետք է հետևություններ անել։ Փաշինյանի ուղերձը մարտահրավերների մասին էր։ Պետք է շատ աշխատենք, պլանավորենք մեր անելիքները։ Օրինական ճանապարհով ընտրված իշխանությանը չի կարելի փոխարինել սահմանադրությաբ չնախատեսված իշխանությամբ»։
