ՀՀ իշխանությունը ուշ արթնացավ. սա պրոցես է, որը հանրությանը հայտնի դարձավ 2020-ից հետո։ «Առաջին լրատվական»-ի հետ զրույցում նշեց քաղաքագետ Հարություն Մկրտչյանը։
Քաղաքագետի խոսքով՝ երբ ասում էինք՝ Ուկրաինական պետությունը նաև ՀՀ անկախության համար է կռվում, ծաղրում էին. «Եթե սա լիներ ներքաղաքական հուզումներ, գուցե ես էլ հետևեի։ Սա ներքաղաքական խնդիր լուծող շարժում չէ, Մեդվեդևի գրառման հիման վրա փողոց նետված գործակալներ են։ Հանրապետության հրապարակում լյուստրացիա է։ ՀՀ ուժային կառույցները ինչո՞վ են զբաղված, ինչու են ապազգային ուժերը ճաղավանդակների հետևում լինելու փոխարեն Երևանի փողոցներում։ Իշխանությունը կոշտ անելիք ունի, պարտավոր են բիրտ ուժով այս խաժամուժին մաքրել փողոցներից։ Քոչարյան-Սարգսյան զույգ, Արցախ եք ուզում փրկել, 2020-ից գնայիք Ստեփանակերտ, Երևանում առյուծ եք կտրում։ Ոչ գազը, ոչ հացը, ոչ Պուտինի սպառնալիքները չեն կարող կաշկանդել մեզ ինքիշխանության նվաճման ճանապարհին»։
