Նյու Յորքի ահաբեկչությունների 10-ամյակի կապակցությամբ «Ալ-Քաիդա» ահաբեկչական խմբավորումը տարածել է մի տեսանյութ, որտեղ Ուսամա բեն Լադենը դիմում է իր կողմնակիցներին: Այս մասին հաղորդում է France Presse գործակալությունը, որը հղում է արել իսլամիստական կայքերի մոնիտորինգի ծառայությանը` SITE-ին: Դեռ հայտնի չէ, թե ինչ է խոսվում հեռուստաելույթում, սակայն փորձագետները ենթադրում են, որ դրանք նույն նյութերն են, որ հայտնաբերվել էին Բեն Լադենի տանը նրա սպանությունից հետո:
Տեսանյութում հեռուստաուղերձով դիմում է նաև «Ալ-Քաիդա»-ի ներկայիս առաջնորդ Այման Ալ-Զավահիրին, որը անդրադառնում է արաբական երկրների հեղափոխություններին, Բեն Լադենին անվանում է մարտիրոս, ինչպես նաև կանխատեսում է Արևմուտքի մոտալուտ անկումը: «Մեծամտությունը թույլ չի տալիս Ամերիկային խոստովանել, որ կանգնած է իսլամական ուժեղացող հասարակության առաջ, և հեռու չէ պարտությունը»,- ասել է Ալ-Զավահիրին, որը շնորհակալություն է հայտնել Բեն Լադենին Ռուսաստանի և ԱՄՆ դեմ պայքարի համար։
