Հայաստանում շահագործվող մոտ 15 հզ. գյուղատնտեսական տեխնիկայի 90%-ը մաշված է` ժառանգություն է մնացել Խորհրդային միությունից: Ինչպես այսօր ասուլիսի ժամանակ հայտնեց գյուղատնտեսության փոխնախարար Վարդան Կարապետյանը, 2010 թ-ին Ճապոնիայի կառավարությունից ստացված 3 մլն դոլար դրամաշնորհով ձեռք է բերվել 61 հատ բելառուսական տրակտորներ, 7 գութան և այլ հարակից տեխնիկա: Այս մասին այսօր հրավիրված ասուլիսում նշեց գյուղատնտեսության փոխնախարար Վ.Կարապետյանը
Տարբեր քննարկումներից հետո որոշվել են բաշխման չափորոշիչները, 20 տրակտորներ հատկացվել են գյուղապետարաններին, քանի որ յուրաքանչյուր գյուղում խորհրդային միության փլուզումից հետո տեխնիկան սեփականաշնորհվել էր և դրանց տերերն էին որոշում ծառայության գինը: Փոխնախարարը հավաստեց, թե յուրաքանչյուր մարզի 2 համայնքներին տրակտորների հատկացումից հետո գնային փոփոխություն է եղել, թեև պետությունը նվազագույն գին չի սահմանել:
«Մենք սրանով կստիպենք, որ գներն ընկնեն»,- ասաց Կարապետյանը:
Տրակտորի արժեքը 8 մլն դրամ է, գյուղապետարաններին հատկացվել են 4 մլն դրամով: 5 տրակտոր տրվել է սերմնաբուծարաններին, մնացածը դրվել է աճուրդի: Վ.Կարապետյանը նշեց, որ աճուրդից կուտակված 68 մլն դրամ միջոցների հաշվին նոր տեխնիկա կներկրվի: Դրա համար արդեն բանակցություններ են տարվում Ճապոնիայի և Իրանի կառավարությունների հետ:
