Արցախի պաշտպանության նախարարությունը հայտարարել է, որ ադրբեջանական կողմի կեղծ պնդումն այն մասին, թե Լեռնային Ղարաբաղում քաղաքացիական ենթակառուցվածքների և քաղաքացիական անձանց ուղղությամբ կրակ չի բացել, նպատակ ունի մոլորեցնել միջազգային հանրությանը։
«Ադրբեջանի պաշտպանության նախարարությունը ողջ օրվա ընթացքում փորձել է հիմնավորել իր կեղծ պնդումն այն մասին, թե քաղաքացիական ենթակառուցվածքների և քաղաքացիական անձանց ուղղությամբ իբր կրակ չի բացել: Ադրբեջանի պաշտպանության նախարարության տեղեկատվական ստահոդ քաղաքականության նպատակը միջազգային հանրությանը մոլորեցնելն է:
Ինչպես հայտնել են պաշտոնական աղբյուրները, զոհեր կան նաև քաղաքացիական բնակչության շրջանում:
Ադրբեջանական քարոզչամեքենայի կիրառած տեղեկատվական հնարքների հետևանքով հայկական սոցիալական ցանցերում շրջանառվել են նաև մի շարք սխալ կամ կեղծ տեղեկություններ:
Պաշտպանության բանակի մամուլի ծառայությունը կոչ է անում հետևել բացառապես պաշտոնական աղբյուրներին»,- ասված է Պաշտպանության բանակի տարածած հաղորդագրության մեջ։
