Բունդեսթագում ելույթ ունենալիս Գերմանիայի կանցլեր Օլաֆ Շոլցը կոչ է արել կիրառել հմուտ աշխատանքային ներգաղթի օրենքը, որպեսզի «վրացի բուժքույրը և Հնդկաստանից ՏՏ մասնագետը ստիպված չլինեն ամիսներ սպասել վիզայի կամ աշխատանքի թույլտվության համար»:
Օրենքը, որը հաստատվել է այս տարվա հունիսին, պետք է ուժի մեջ մտնի 2024 թվականի մարտին։ Այն նախատեսում է Գերմանիայում որակյալ կադրերի ներգաղթի ընթացակարգի պարզեցում։
Ելույթ ունենալով Բունդեսթագում՝ Օլաֆ Շոլցը նշել է, որ մինչև 2035 թվականը Գերմանիայում թոշակի կանցնի 13 միլիոն աշխատակից։ Կանցլերի խոսքով՝ աշխատուժի բացակայությունը մարտահրավեր է ընկերությունների համար։
«Ես կոչ եմ անում բոլորին, որ հմուտ աշխատանքային ներգաղթի օրենքը, որն արդեն հաստատվել է, կիրառվի ամենուր Գերմանիայում, որպեսզի մենք ունենանք ոչ բյուրոկրատական հնարավորություններ, որպեսզի Վրաստանից բուժքույրը և Հնդկաստանից ՏՏ մասնագետը կարիք չունենա սպասել ամիսներ վիզայի կամ աշխատանքի թույլտվության համար»,- ասել է Օլաֆ Շոլցը։
