«Առաջին լրատվական»-ի իշխանամերձ աղբյուրները հայտնում են, որ ՀՀ նախագահի աշխատակազմի ղեկավարի պաշտոնից Կարեն Կարապետյանի հրաժարականից հետո Սերժ Սարգսյանի առջև կանգնել է այդ պաշտոնում հավատարիմ և ազդեցիկ անհատի նշանակման հարցը:
Այս օրերին իշխանական միջանցքներում քննարկվում է ՀՀ նախագահի աշխատակազմի ղեկավարի տեղակալ և Սերժ Սարգսյանի փեսա Միքայել Միասյանին աշխատակազմի ղեկավարի պաշտոնում նշանակելու հնարավորությունը: Հաշվի առնելով Հայաստանի քաղաքական և մեդիա դաշտում Միքայել Մինասյանի ունեցած մեծ ազդեցությունը՝ չի բացառվում, որ Սերժ Սարգսյանի ընտրությունը կանգնի հենց նրա վրա:
Մյուս կողմից, սակայն, Սերժ Սարգսյանի ղեկավարած Հանրապետական կուսակցության բավական ազդեցիկ անհատներ լրջորեն մտահոգված են՝ վստահ լինելով, որ Միքայել Մինասյանի նշանակումը կարող է ավելի թուլացնել ՀՀԿ դերակատարությունը քաղաքական դաշտում: