Ամերիկացի սենատորներ Ջոն Մաքքեյն և Բեն Քարդին կոչ են արել Մեծ Բրիտանիայի վարչապետ Դևիդ Քեմերոնին, որը այսօր ժամանում է Մոսկվա, պատժամիջոներ կիրառել այն անձանց դեմ, ովքեր ներգրավված են «Մագնիտսկու գործում»: Այս մասին հաղորդում է The Guardian-ը:
«Մենք հույս ունենք, որ Մեծ Բրիտանիայի կառավարությունը լրջորեն կքննարկի Մագնիտսկու գործի մեջ ներգրավված անձանց մուտքի արտոնագրերի արգելքի և հաշվեհամարների սառեցման հարցը»,- ասել է Մաքքեյնը:
Ավելի վաղ ԱՄՆ-ն նման պատժամիջոցներ արդեն սահմանել է Hermitage capital ընկերության իրավաբանի սպանության մեջ ներգրավված անձանց նկատմմաբ: Մագնիտսկու գործը լուրջ խոչընդոտ է հանդիսանում Ռուսաստան-Արևմուտք հարաբերություններում և անընդհատ բարձրացվում է եվրոպական կառույցների կողմից:
