Ռուսաստանն իրենից ներկայացնում է «տնտեսական թզուկ» և նման է «բենզալցակայանի, որի սեփականատերը ատոմային ռումբ ունի»։ Այս մասին El Pais-ին տված հարցազրույցում ասել է Եվրամիության արտաքին քաղաքականության ղեկավար Ժոզեպ Բորելը։
Նրա խոսքով՝ Ռուսաստանը չի կարող համեմատվել Չինաստանի հետ, որը «իսկական աշխարհաքաղաքական խաղացող է»:
«Հենց Ռուսաստանն է, այլ ոչ թե Չինաստանը, որ վտանգ է ներկայացնում եվրոպական անվտանգության համար»,- ընդգծել է դիվանագիտության ղեկավարը։ Նրա կարծիքով՝ Վլադիմիր Պուտինը «զոհաբերում է իր բանակն ու բնակչությանը» հանուն «իր գոյատևման», քանի որ Ուկրաինա ռուսական ներխուժման վերաբերյալ ռազմավարական տեսակետը ձախողվել է։
«Պուտինը ցանկանում էր արագ պատերազմ, բայց այն շարունակվում է արդեն 18 ամիս, և նա պաշտպանվում է: Նրա արագ նվաճման նախագիծը վերածվել է լիակատար ֆիասկոի: Ռուսաստանը արդեն վճարել է հսկայական գին նյութական և մարդկային ռեսուրսների առումով. նա կորցրել է 2 հազար տանկ, ավելին, քան Եվրոպայի բոլոր բանակները միասին վերցրած»,- ասել է Բորելը։
