Երեկ՝ հուլիսի 16-ին, խոշոր ավտովթար է տեղի ունեցել Երևանում։ Ժամը 20։30-ի սահմաններում Բաղրամյան պողոտայում բախվել են BMW 540 և Acura մակնիշի ավտոմեքենաները։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար, տուժածներ չկան։
Բախման հետևանքով ավտոմեքենաներից մեկն էլ բախվել է ճանապարհի թույլատրելի հատվածում կայանված Nissan Xterra-ին։ Ավտոմեքնաներից 2-ը դուրս են եկել երթևեկելի գոտուց և հայտնվել մայթին՝ հետիոտնի համար նախատեսված վայրում։
