Վազգեն Սարգսյանին և Կարեն Դեմիրճյանին գնդակահարելը կրակոց էր պետականության դեմ, նման նկրտումները այսօր ևս բնում պետք է խեղդել: «Առաջին լրատվական»-ի հետ զրույցում նշեց Արդար Հայաստան կուսակցության նախագահ Նորայր Նորիկյանը:
Նորիկյանի խոսքով՝ վաղուց անցել են այն ժամանակները, երբ զենքը որպես գործիք կարող են օգտագործել քաղաքական հարցերի համար․ «Տեռորով քաղաքականություն գալու ընկալումները բնում պետք է խեղդել: Իշխանությանը անհրաժեշտ է ինտելեկտուալ, ծրագրային հիմքի վրա կառուցված ընդդիմության գոյություն: Երբևէ այսպիսի վարկաբեկված ընդդիմադիր հոսանքներ չենք ունեցել: Ամեն անգամ Փաշինյանը ԱԺ-ում շան լափը թափում է ընդդիմության վրա և որևէ մեկը ծպտուն չի հանում, սա ստորացում է: Քանի Փաշինյանը իր կզակին չի զգացել իրական ընդդիմության ձայնը, չի սթափվելու»:
