ԱՄՆ-ում մի կին մահացել է, իսկ մի քանի մարդ էլ թունավորվել են տոքսիկ գազերից, երբ մտել են Հարավային Ջորջիայում գտնվող McDonald’s արագ սննդի կետերից մեկը: Ոստիկանության ներկայացուցիչ Մարկ Ռեվենյուն ասել է, որ կինը մահացել է հենց զուգարանում: Այս մասին հաղորդում է Reuters գործակալությունը:
Նա պատմել է, որ ֆլորիդացի տատիկը մեկն էր այն երկու կանանցից, որոնց անգիտակից հայտնաբերել էին զուգարանում: Ընդհանուր առմամբ, թունավորվել է 10 մարդ, այդ թվում՝ 3 հրշեջ, որոնք օգնության են հասել: Հրշեջները ֆիքսել են տարօրինակ հոտ, սակայն չեն կարողացել գտնել դրա աղբյուրը: «Մենք շարունակում ենք աշխատել տեղի իշխանությունների հետ, որպեսզի ավելի շատ տեղեկություններ հավաքենք այն մասին, թե ինչ է տեղի ունեցել»,- ասվում է McDonald’s-ի ղեկավարության հաղորդագրության մեջ:
