Ուկրաինայի զինված ուժերը վերջին մի քանի օրվա ընթացքում ազատագրել են Բախմուտ քաղաքի մոտ 20 քառակուսի կիլոմետր տարածք,- հայտարարել է Ուկրաինայի պաշտպանության փոխնախարար Աննա Մալյարը։
«Վերջին մի քանի օրերին մեր զորքերը Բախմուտի ծայրամասերում՝ հյուսիսում և հարավում, ազատագրել են մոտ 20 քառակուսի կիլոմետր տարածք։ Միևնույն ժամանակ թշնամին որոշակիորեն առաջ է շարժվում բուն Բախմուտ քաղաքում և ամբողջությամբ ավերում է քաղաքը հրետանու միջոցով»,- գրել է Աննա Մալյարը իր «Telegram»-ում։
Ուկրաինայի պաշտպանության փոխնախարարը նշել է, որ ուկրաինական Բախմուտ քաղաքում շարունակվում են ծանր մարտերը եւ այդ մարտերը տարբեր արդյունքներ են ունենում։