Բրիտանական գովազդային կարգավորիչ ASA-ն (The Advertising Standards Authority) արգելել է բջջային հեռախոսներ վաճառող ընկերությանը Հիսուս Քրիստոսի նկարն օգտագործել գովազդային նպատակներով, քանի որ դա վիրավորում է քրիստոնյաների կրոնական զգացմունքները:
Phones 4U ընկերությունը 2011թ. ապրիլի 21-ին, Զատկի տոնից մի քանի օր առաջ, գովազդային նոր պաստառի վրա տեղադրել էր Քրիստոսի նկարը, ով աչքով էր անում հաճախորդներին, իսկ պաստառի տակ տեղեկություն էր տրվում «հրաշալի» Samsung Galaxy-ների մասին: Ընկերության նման քայլի կապակցությամբ 98 բողոք էր ստացվել, ինչի արդյունքում որոշում է կայացվել արգելել նման գովազդի տեղադրումը:
Ինչպես հայտնում է BBC News-ը, Phone 4U ընկերությունը հայտարարել է, որ նպատակ չուներ վիրավորել քրիստոնյաների կրոնական զգացմունքները, և գովազդն ընդամենը քրիստոնեության «դրական և ժամանակակից իմիջը» ընգծելու փորձ էր:
