Մարդիկ, ովքեր անողոք ձևով թալանել են երկիրը, այսօր խոսում են հայրենասիրությունից: «Առաջին լրատվական»-ի հետ զրույցում նշեց ՀՀ վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանը:
Սինանյանի խոսքով՝ երկիրը թալանողները դարձել են հայրենասեր ու պահանջատեր․ «Իրենց ժամանակ Արցախը մերն էր, որովհետև անբացատրելի զրկանքների շնորհիվ է ապահովվել Արցախի անվտանգությունը: Հայ լինելն ու ՀՀ քաղաքացի լինելը տարբեր բաներ են: Կան մարդիկ Հայաստանում չեն ապրում, բայց ապացուցել են, որ հայրենասեր են: Դրոշ այրելը եղել և մնում է ամենապրիմիտիվ դրսևորումը, որը հայրենասիրության հետ կապ չունի: Սփյուռքում մարդիկ դրոշ այրելը համարեցին հիմարություն: Մեր ուժը այլ ձևով պետք է արտահայտենք, ոչ թե դրոշ այրելով»:
